VOV4.K’ho - Ngai òr 14/01,  ồng Trương Tấn Sang kuang atbồ lơgar neh bal mờ mpồl lơh broa\ dà lơgar tus còp mờ lơh broa\ tàm càr Ninh Bình, iat jơnau yal bè bơta prap gàr, lơh niam mờ chồl guh bơta kuơ tiah tềl kah yau-chài rgơi càr lơgar yau Hoa Lư. Đơs tàm bùi lơh broa\, ồng Trương Tấn Sang đơs tờm, mờ cồng nha pơnrơ ngan bơh ala\ rài bơtau lài do, pha  lời wơl càr lơgar yau Hoa Lư lời wơl dờng ngan,  geh lơh ala\ cau kuang, gah, mờ càr Ninh Bình nhap nhar sền wơl nàng geh broa\ lơh tơl làm jờng di pal, mơ kung pal lơh nền nòn, di pơlam tàm broa\ lơh sền gàr. Ồng Trương Tấn Sang sồr càr Ninh Bình chul chồl mut lơh broa\ lơh, lơh tus tềng lơi  ai ngui tơn tềng hơ\, mơya pal lơh jat di bơta kờ` bè bơta bơsram yau,  bơta chài,  bơta niam. Bơh geh sền  jơnau bơsram mờng bơh ala\ càr ndai, ồng Trương Tấn Sang sồr mpồl khoa học  lịch sử Việt Nam pơnjat tai chồl guh bơnga\, geh dong broa\ dong càr, pleh lơh gơs geh lơh niam wơl tài bơh ờ di. Bè khà pria\ bơcri 3 rbô tơmàn pria\ tus ala\ broa\ lơh,  ồng Trương Tấn Sang geh đơs nàng dà lơgar geh dong kờl mờ geh broa\ lơh pơn jờng,  ai bơh nùs nhơm sền kuơ cồng nha broa\ lơh. Ồng kung sồr càr pal sền wơl ala\ broa\ lơh lơh sa mpồl bơtìan đơs bal tàm càr jat broa\ lơh đơs lồi dut bơh ồng Nguyễn Phú Trọng kuang atbồ đơng lam Đảng tàm dơ\ pơrjum dà lơgar 10, nhap nhar mut lơh mo broa\ bơh bồ sơnam,  dong tơl bơta bơtàu tơngguh tus nam kuơ màng tềng dơ\ pơrjum Đảng ala\ kơna\.