VOV4.K’ho - Drim òr (25/2), ồng Trương Tấn Sang, kuang atbồ lơgar bal mờ ală kuang bàng đơng lam ală gah Khoa học mờ công nghệ dà lơgar, Gah priă jền dà lơgar, Gah rơndăp broă mờ bơcri priă dà lơgar, Gah bơ\t bơtàu dà lơgar neh tus còp mờ lơh broă tàm hìu bơsram dờng dà lơgar Hà Nội, kờ` iăt jơnau yal bè broă lơh hìu bơsram dờng dà lơgar Hà Nội dê tàm tơngai pa do; bal mờ jơnau kơ\p kờ` bơh ală rài cau pơrgu tàm hìu bơsram mờ broă tơnguh bơtàu broă bơto bơtê mờ bơsram dà lơgar dê.

Pơn jờng ală cồng nha mờ hìu bơsram dờng dà lơgar Hà Nội neh geh tàm tơngai do, ồng Trương Tấn Sang, neh đơs là, ală broă lơh hìu bơsram dờng dà lơgar Hà Nội pa do dê neh rơhời di pal mờ broă lơh pa, niam, tơrgùm bal mờ dunia mờ tơl^k broă lam lài tàm broă tam gơl pa bơto bơtê mờ bơsram dê. Ồng Trương Tấn Sang sồr tơnkah, pal geh broă lơh pràn rơlao tai kờ` bơ\t bơtàu gơs hìu bơsram dờng niam di pal tàm tiah do dê, drơng geh cồng nha tus mờ broă tơnguh bơtàu dà lơgar dê pal geh broă lơh ngan uă, tài 1 dà lơgar tơnguh bơtàu pal geh bơh broă bơto bơtê jăk chài. Ồng Trương Tấn Sang sồr ală gah, mpồl lơh broă ai tơl bơta bè kơrnoăt priă jền kờ` hìu bơsram dờng dà lơgar Hà Nội sơlơ ngai sơlơ lơh niam broă bơto bơtê mờ bơsram, kơlôi sơnơng, tơl^k bơngă mờ nùs nhơm pin dờn hìu bơsram tòm dê, mờ geh bơngă dờng rơlao tai tàm mpồl ală hìu bơsram dờng lam lài tàm châu Á mờ dunia.

        Cau cih mờ yal tơng^t Ndong Brawl