VOV4.K’ho - Ngai òr 03/04, tàm Hà Nội, hìu bơsram dờng Nông Nghiệp Việt Nam neh bơyai lơh dờp gai lòng khin cha jăk chài mpồl ling klàng làng bol, do là phan dờng màng Đảng mờ Dà lơgar pà, dờp ală broă pơgồp dờng màng bơh hìu bơsram dờng Nông Nghiệp Việt Nam tus mờ dà lơgar. Đơs tàm dơ\ pơrjum, ồng Trương Tấn Sang kuang atbồ lơgar neh đơs tòm: Đảng, Dà lơgar ai broă tơnguh bơtàu lơh sa suơn sre là broă lơh lài, geh kuơ màng ngan; bơto bơtê mờ bơsram bal mờ khoa học công nghệ là broă lơh lài ngan; bơto bơtê, tơnguh bơta nga] ngar kuang bàng lơh broă là broă lơh lài ngan kờ` tơnguh bơtàu dà lơgar. Ồng Trương Tấn Sang sồr hìu bơsram dờng Nông Nghiệp Việt Nam pal pơn jăt tai lơh jăt nền nòn, bơceh pa, geh cồng nha kơrnoăt dà lơgar neh ai bè tam gơl tơl ală bơta tàm broă bơto bơtê mờ bơsram, tơrgùm tam gơl pa tơngu me, broă lơh, broă bơto mờ bơsram, broă pơlòng, sền cồng nha bơsram sră, tam gơl broă sền gàr bơto bơtê mờ bơsram kờ` tơnguh niam khà bơto bơtê tơl ală bơta, di pal mờ broă tơrgùm bal mờ dunia bal mờ tơnguh bơtàu dà lơgar dê.

Cau mblàng Ndong Brawl