VOV4.K’ho - Drim do (29/8), tàm Hà Nội, gah đơng lam Cảnh sát dà lềng Việt Nam neh bơyai lơh tơnkah 17 nam ngai bơhiàn (28/8/1998-28/8/2015) mờ dờp khà khin cha jăk chài mpồl ling klàng làng bol rài tam gơl pa. Ồng Trương Tấn Sang, kuang atbồ lơgar neh tus pơrjum mờ jàu khà pơn jờng khin cha jăk chài mpồl ling klàng làng bol rài tam gơl pa ai mpồl đơng lam Cảnh sát dà lềng in. Ồng Trương Tấn Sang neh dờp, pơn jờng ală broă lơh ngan mờ broă lơh ngan bơh kuang bàng, cau ling tàm mpồl Cảnh sát dà lềng Việt Nam dê tàm 17 nam do. Ồng Trương Tấn Sang pin là, tàm tơngai tus, mpồl Cảnh sát dà lềng Việt Nam geh pơn jăt tai gàr niam mờ tơnguh bơhiàn “Lơh ngan khin cha jăk chài, tơmù ală kal ke, tam klăc 1 nùs, sền gàr nền nòn adăt boh lam”, lơh ngan sùm kờ` geh uă cồng nha dờng màng rơlao tai, di pal mờ nùs nhơm pin dờn Đảng, Dà lơgar bal mờ làng bol’ di pal ngan là mpồl ling dờp kơnòl Dà lơgar dê tàm broă sền gàr, lơh jăt adăt boh lam tàm ală tiah dà lềng dà lơgar mờ ù tiah jăt gah dà lềng dà lơgar dê.

Cau mblàng Ndong Brawl