VOV4.K’ho - Mho òr 05/02, tàm gơlăng kuang atbồ lơgar, ồng Trương Tấn Sang kuang atbồ lơgar neh tìp mat rlau 100 nă cau lơh sa kă bro geh pơn rơ jak, ala mat rlau 500 rbô mpồl lơh sa kă bro dềt mờ dimơ lơgar Việt Nam dê. Đơs tờm bơngă, gơnuar bơh mpồl lơh sa kă bro dềt mờ dimơ tàm bơta bơtàu tơnguh dà lơgar, kờp bal tềng đăp mat mờ jo\ jòng, ồng Trương Tấn Sang kơp kờ` là ală mpồl lơh sa kă bro pơnjat tai rơcang lài tơnguh jơnhua bơta pràn tàm pơr lòng tàm tu\ tơngai mut gơ rờm bal ngai sơ lơ pràn, tă pơ gồp tàm bơta bơtàu tơnguh bal bơh dà lơgar dê. Cih dờp mờ jờng rơ ală cồng nha mờ tă pơ gồp ngan ngồn bơh ală mpồl lopưh sa kă bro dềt mờ dimơ dê tàm tơngai lài, ồng Trương Tấn Sang đơs tơờ, dà lơgar gam mut tàm 1 sơnam pa mờ uă bơta buơn bùai mờ kal ke, bơta lòng gam ơm tềng đăp, ngan là bơh broă mut gơ rờm bal tơl làm mờ bơta rồn bơ klơn bơh tàm pơr lòng tàm drà kă bro tàm dà lơgar, ồng Trương Tấn Sang đơs tai, bơdìh mờ bơta rơcang lài tàm tu\ tơngai mut gơ rờm bal, sồr cau lơh sa kă bro, mpồl lơh sa kă bro dềt mờ dimơ, pal sền gròi, tơnguh priă jền lơh geh, gàr niam anih lơh broă buơn bùai cau lơh broă in, mơkung lơh ngan tus bal tàm ală broă lơh mpồl bơtiàn bè “Ngai tài cau rơbah”, “ Bơt bơtàu bòn lơgar pa”,..pơ gồp bơnah ngan ngồn tàm broă mut lơh ală jơnau kờ` mờ Đảng, dà lơgar neh ai tơlik tus mờ nam rơndap broă pơnjat tai.”