VOV4.K’ho - Mho òr (14/1), tàm gơlang kuang atbồ lơgar, ồng Trương Tấn Sang, kuang atbồ lơgar neh wă mờ dờp sră dà lơgar bơh ală kuang ala măt ală lơgar Kuwait mờ lơgar Đức tus dờp kơnòl tàm lơgar Việt Nam.

Ồng Trương Tấn Sang neh chờ gờm ală kuang ala măt mờ đơs, lơgar Việt Nam geh ai tơl^k ală bơta niam kờ` ală kuang ala măt lơh gơs kơnòl, chồl pràn broă lơh bal uă bơta. Dờp sră dà lơgar mờ wă ồng Adnan Abdullah Al-Ahmad, kuang ala măt lơgar Kuwait, ồng Trương Tấn Sang neh đơs niam broă lơh bal bơh lơgar Việt Nam mờ lơgar Kuwait tàm tơngai do mờ pơyoa bơr còp să tus mờ bơtau lơgar Kuwait. Ồng Trương Tấn Sang đơs là, tàm gah bơcri priă lơh sa bal, 2 gah lơh geh cồng nha bơta pràn bal, tơl^k bơh tàm broă lơh jăt mhar bơh rơndăp broă jồr jờu Nghi Sơn tàm càr Thanh Hoá. Lơgar Việt Nam pơn jờng ală jơnau ai tơl^k lơh broă bal bơh lơgar Kuwait dê mờ pin dờn bơh ală cồng nha neh geh lài ngan, tàm tơngai tus, anih lơh sa kă bro 2 lơgar geh chồl pràn broă lơh bal di pal mờ bơta geh. Kuang ala măt lơgar Kuwait kơ\p kờ` geh 1 tơngai lơh broă geh cồng nha tàm lơgar Việt Nam. Gơnoar atbồ lơgar Kuwait pin dờn tàm cồng nha mờ rài tơnơ\ do tơnguh bơtàu lơgar Việt Nam dê. Mờ nùs nhơm pin dờn do, geh uă anih lơh sa kă bro lơgar Kuwait gam jòi tus lơgar Việt Nam mờ rơndăp broă Nghi Sơn geh là anih sơn đòm ai broă lơh pơn jăt tai.

       Cau cih mờ yal tơng^t Ndong Brawl