VOV4.K’ho - Mho òr (17/09), ồng Trương Tấn Sang  kuang atbồ lơgar wa\ ồng Somphone Sichaleune kuang ala mat lơgar Lào tus tìp tơngac jơh tơngai lơh broa\ tàm lơgar Việt Nam. Tàm bùi wa\,  ồng Trương Tấn Sang neh đơs niam ala\ lơh ngan bơh ồng Somphone Sichaleune tàm broa\ lơh ngan tơngguh broa\ lơh tam klac kuơ màng 2 lơgar Việt Nam-Lào. Ồng Trương Tấn Sang geh đơs bơta chờ hờp tàm bơta git gơp 2 Đảng, 2 lơgar tàm tơngai lài  slơ đềt mềr mờ geh bơtàu tơngguh pa tàm ua\ gah broa\ bè gùng dra\ bal, lơh sa ka\ bro bơcri tus mờ broa\ lơh mờ lơgar cau. Ngan ngồn,  tam klac lơh sa ka\ bro gam gơguh mhar, bơcri neh mờ gam mut lơh ala\ broa\ lơh dờng, ngan la broa\ lơh boh kali pa geh mut lơh kờp pria\ geh tus 50 tơlak dolar. Ồng Trương Tấn Sang đơs la ala\ cồng nha lơh geh tàm tơngai lài bơh 2 lơgar geh bơta ta\ pơ gồp bơh kuang ala mat mờ pin dờ` tàm  gơnoar broa\ pa,  ồng Somphone Sichaleune geh pơnjat tai geh ta\ pơ gồp ai tus bơta git gơp tam klac kuơ màng  bơh 2 lơgar Việt Nam-Lào.

                                      Cau cih mờ yal tơnggit K’ Brọp.