VOV4.K’ho – Mho mang òr 08/10, tàm Hìu duh broă Kuang atbồ lơgar, ồng Trương Tấn Sang kuang atbồ lơgar wa\ mò Karin Muller kuang atbồ Cơldu\ lơh broă Gah khoa học nghệ thuật càr Hessen, lơgar Đức dê gam còp mờ lơh broă tàm Việt Nam bal mờ jơnau kờn là chul chồl tam klac bal bơto bơtê. Tàm dơ\ wa\, ồng Trương Tấn Sang jờng rơ mò Karin Muller bal mờ mpồl kuang bàng lòt còp mờ lơh broă tàm Việt Nam. Ồng Trương Tấn Sang đơs niam ngan ală cồng nha lơh geh tàm tam klac bal bơto bơtê đah càr Hessen mờ Việt Nam. Ồng Trương Tấn Sang sồr Gah Bơto bơtê mờ bơsram dà lơgar pơgồp bal kơ\ kơl jăp mờ cau lơh broă bal lơgar Đức cribơyai jòi broă lơh bơsong bàr pe bơta kal ke tàm ală tu\ mu\t lơh rơndăp broă lơh ală hìu bơsram kai dờng jak ngan đơs bal mờ Hìu bơsram kai dờng Việt Đức đơs is, kờn sơlơ tơnguh rlau tai cồng nha bơto bơtê mờ broă atbồ. Ồng Trương Tấn Sang đơs là, Gah khoa học mờ nghệ thuật càr Hessen pơn jat tai lơh mờ sơlơ tơnguh rlau tai tam klac bal tàm gah bơto bơtê mờ Việt Nam.

Cau cih mờ yal tơngi\t- Lơ Mu K’ Yến