VOV4.K’ho – Ngai òr 28/03, tàm Hìu duh broă Kuang atbồ lơgar dê, ồng Trương Tấn Sang kuang atbồ lơgar neh wa\ ồng Somsavat Lengsavad kuang jat jơng gơs gơnăp gơnoar atbồ hơđang rlau jơh dà lơgar Lào gam geh dơ\ lòt còp mờ lơh broă tàm Việt Nam. Tàm dơ\ wa\, ồng Trương Tấn Sang đơs niam ngan cồng nha bơtàu tơnguh lơh sa- mpồl bơtiàn bơh lơgar Lào dê tàm tơngai lài. Mơkung đơs tờm, cồng nha tam klac lơh broă bal đah bàr lơgar tàm tơngai lài gơ jat sùm mờ dà kơlhề mờ bơta pràn tă pơgồp jơh nùs jơh tồr bơh să tờm ồng Somsavat Lengsavad dê. Ồng Trương Tấn Sang sồr tơnơ\ tu\ lòt sền mờ đơs tơn, ală gah lơh broă dà lơgar bơh bàr lơgar dê geh ală broă lơh ngan ngồn kờn lơh geh bơta tam gơl, lơh jat ngan ngồn tơngume hơ pơrgon đah kuang bàng dờng màng, jat ngui geh cồng nha ală jơnau đơng lam sồr lơh bơh kuang bàng đơng lam bồ bơh bàr Đảng dê tàm rài kis. Bè tam klăc bal tàm gah kă bro đah 2 lơgar, ồng Somsavat Lengsavad tam pà bal mờ bàr pe mpồl lơh sa kă bro lơgar Việt Nam bơcri priă tàm lơgar Lào gam tìp kal ke tài bơh khà priă drà kă bro tu\ gơguh tu\ gơmù; ring bal geh cribơyai đah kuang bàng đơng lam bàr Gơnoar atbồ lơgar dê nàng geh gùng dà broă lơh kơrnoat boh lam di tu\ tă bơsong kal ke ai mpồl lơh sa kă bro in.

Cau cih mờ yal tơngi\t- Lơ Mu K’ Yến