VOV4.K’ho – Drim òr, 21/10, tàm gơlang kuang atbồ lơgar, Trương Tấn Sang kuang atbồ lơgar neh wă mpồl kuang bàng mpồl git gơp lơh bơyô Việt Nam mờ Nhờk tiah Kansai, lơgar Nhờk bơh ồng Teichi Nishimura, kuang atbồ mpồl lam bồ. Gờm chờ mpồl kuang bàng git gơp lơh bơyô Việt Nam mờ Nhờk tiah Kansai tus còp mờ lơh broă tàm lơgar Việt Nam, ồng Trương Tấn Sang jờng rơ tơngai lài Mpồl neh geh uă broă lơh chul chồl git gơp lơh bơyô mờ tam klac bal đah 2 lơgar, ngan là tàm tiah Kansai mờ uă tiah bơh Việt Nam dê. Ồng Trương Tấn Sang đơs tờm, Nhờk là dùl tàm ală lơgar bơcri priă dờng ngan tàm Việt Nam, tàm hơ\ tiah Kansai geh khà bơcri uă ngan rlau jơh.

                                                                          Cau cih mờ yal tơngit K’ Duẩn.