VOV4.K’ho - Mho òr 18/03, tàm gơlăng kuang atbồ lơgar, ồng Trương Tấn Sang kuang atbồ lơgar,  wă mpồl kuang bàng mpồl lơh sa kă bro lơgar Mỹ bơh ồng Alexander Feldman kuang atbồ mpồl duh broă kă bro lơgar Mỹ mờ ASEAN lam bồ tus còp mờ lơh broă tàm lơgar Việt Nam. Ồng Trương Tấn Sang đơs niam ală tă pơ gồp geh cồng nha bơh mpồl duh broă kă bro lơgar Mỹ mờ ASEAN mờ ală mpồl lơh sa kă bro lơgar Mỹ tàm broă chul chồl git gơp tam klac kă bro bơcri priă đah 2 lơgar, pơ gồp bơnah tơnguh git gơp 2 lơgar ngai sơlơ bơtàu tơnguh. Ồng Trương Tấn Sang sồr mpồl duh broă kă bro lơgar Mỹ mờ mpồl ASEAN kung bè ală mpồl lơh sa kă bro lơgar Mỹ lơh broă tàm lơgar Việt Nam pơnjat tai sơ lơ tă pơ gồp ngan ngồn, kờ` chul chồl tam klac lơh sa kă bro đah 2 lơgar, tàm hơ\ geh broă chul chồl rlau tai ală broă lơh bơcri kă bro tàm lơgar Việt Nam. Ồng Trương Tấn Sang kung sồr Mỹ tă săng ală bơta kơryan kă bro, pờ mpồng rlau tai drà kă bro tus mờ phan bơna lơgar Việt Nam dê, pơnjat tai ai Việt Nam in ală bơta `hap `har kuơ màng tàm dơ\ cribơyai jơnau pơr gon tam klac gùt Thái Bình Dương, ngan là tàm tu\ 2 lơgar tơngkah 20 nam crơng gơs git gơp lơh broă bal (1995 – 2015).