VOV4. K’ho - Drim òr 22/01, tàm gơlang kuang atbồ lơgar, ồng Trương Tấn Sang kuang atbồ lơgar wa\ ồng Somsavad Lengsavath kuang jat jơng gơs gơnăp gơnoar atbồ hờđang rlao jơh dà lơgar Lào bal mờ  kuang bàng  lơgar Lào gam ơm còp mờ lơh broa\ tàm lơgar he. Tàm bùi wa\, ồng Trương Tấn Sang đơs tờm, bơta git gơp bơhìan yau,  tam klac kuơ màng mờ tam klac tơl làm Việt Nam–Lào pơnjat tai geh lơh ngan mờ bơtàu tơngguh niam bơne\, wèt tus  geh cồng nha mờ ngan ngồn. Nàng lơh pràn tam klac, anih lơh broa\ geh gơnoar 2 lơgar kờ` pal nhap nhar bơsong ala\ kal ke, bơta yan ka\ bro, pơnjat tai sền sơnơng, tơlik đơs broa\ lơh nàng bơsong kal ke, gơ kòl  mờ nàng chul chồl rlau tai tam klac lơh sa, ka\ bro, bơcri bơh 2 lơgar. Ala\ broa\ lơh dờng kờ` pal geh lơh mhar, lơh di bơta sồr nàng pơ gồp ngan ngồn gờm chờ ala\ broa\ lơh dờng, tờm bơh 2 lơgar tàm nam 2015. Ồng Trương Tấn Sang kung đơs tờm bè broa\ pơnjat tai bơtàu tơngguh khà mờ cồng nha tam klac gah bơto bơtê mờ bơsram bơh Việt Nam mờ Lào, nàng ngan ngồn geh pơ gồp bơto bơtê mờ bơtàu tơngguh cau lơh broa\ dong lơgar Lào bơtàu tơngguh dà lơgar.