VOV4.K’ho – Mho òr 7/4, tàm Hìu Gơnoar ala mat dà lơgar dê, ồng Uông Chu Lưu kuang jat jơng atbồ Gơnoar ala mat dà lơgar wa\ ồng Hermani Coelho da Silva Kuang atbồ Gah Cribơyai broă mờ lơgar ndai mờ tam klac lơh broă bal lơgar Timor Leste lòt còp mờ lơh broă tàm Việt Nam.

Ồng Uông Chu Lưu chờ hờp wa\ rò ồng Hermani Coelho da Silva lòt còp mờ lơh broă tàm Việt Nam; Đơs tờm, dơ\ lòt còp geh pơ gồp bơnah chul chồl bơta gi\t gơ\p tam klac lơh broă bal uă gah đah 2 lơgar. Ồng Uông Chu Lưu đơs tờm, Việt Nam sùm sền dờng màng mờ kơ\p kờn sơlơ tơnguh tai bơta gi\t gơ\p, tam klac lơh broă bal tàm uă broă mờ lơgar Timor Leste. Nàng chul chồl bơta gi\t gơ\p tam klac lơh broă bal, ồng Uông Chu Lưu sồr: Gơnoar atbồ lơgar Timor Leste gờn lơh jơh sră nggal dơlam is nàng Jơnau pơrgon kă bro 2 gah đah 2 lơgar neh geh ki\ tàm nam 2013 geh ngui ngan ngồn tàm tơngai gờn ngan rlau jơh. Bal mờ hơ\, ồng Uông Chu Lưu kung sồr, Timor Leste pơn jat tai lơh geh tơl ală bơta niam ai mpồl lơh sa kă bro lơgar Việt Nam in tus rề ơnàng bơcri priă, lơh sa kă bro.

Bè tam klac lơh broă bal đah Gơnoar ala mat dà lơgar bơh 2 lơgar dê, ồng Uông Chu Lưu đơs loh: Gơnoar ala mat dà lơgar Việt Nam sùm rơcang lài sơlơ tơnguh tai bơta gi\t gơ\p tam klac lơh broă bal mờ Gơnoar ala mat dà lơgar Timor Leste tàm broă lơh 2 gah mờ uă gah mờ kơ\p kờn, Gơnoar ala mat dà lơgar bơh bàr lơgar dê kờn pal sơlơ ai ală mpồl kuang bàng dờng màng lòt còp bal mờ gơ\p kờn tam pà bal bơta mờng chài, bơh hơ\ pơ gồp bơnah sơlơ lơh niam rlau tai bơta gi\t gơ\p tam klac lơh broă bal đah Việt Nam mờ Timor Leste mờ làng bol bàr lơgar.

Cau cih mờ yal tơngi\t- Lơ Mu K’ Yến