VOV4.K’ho- Tàm dơ\ lòt còp mờ lơh broă tàm lơgar Cote d’Ivoire (Bờ Biển Ngà) bơh ngai 18-19/6, mpồl kuang bàng ala mat Đảng Cộng sản Việt Nam bơh ồng Võ Văn Thưởng, Kuang atbồ Ban Tuyên giáo dà lơgar lam bồ neh geh ală dơ\ tìp mat cribơyai broă mờ Thủ tướng lơgar Cote d’Ivoire là ồng Amadou Gon Coulibaly.

                      Ồng Võ Văn Thưởng cribơyai broă mờ Thủ tướng Cote d'Ivoire 

Ồng Võ Văn Thưởng đơs là, gi\t gơ\p đah Việt Nam mờ Cote d’Ivoire gam ơm tàm tu\ tơngai bơtàu tơnguh niam bơne\ ngan. Bơta hơ\ geh tơngo\ bơh dơ\ lòt còp bơh mpồl kuang bàng ala mat Đảng he dê tus lơgar Cote d’Ivoire, neh geh lơh dùl tu\ bal mờ broă Bộ trưởng Ngoại giao lơgar Cote d’Ivoire gam geh dơ\ lòt còp mờ lơh broă tàm Việt Nam.

Nàng sơlơ lơh broă bal kă bro, bơcri priă, 2 gah pal mhar ki\ ală hiệp địng tơngume lơh broă bal mờ crơng gơs Ủy ban lơh broă bal, mhar sơnđờm lơh cribơyai mờ ki\ hơ ală hiệp định hòi jà mờ sền gàr dong kờl bơcri priă, pleh tă dia bàr dơ\. Bàr lơgar pơn jat tai pơgồp bal mờ dong kờl bal mờ gơ\p tàm ală dơ\ cribơyai dunia mờ tàm tiah do.

Cau mblàng Lơ Mu K’Yến