VOV4.K’ho- Drim 12/11, tàm Hà Nội, Ban Tuyên giáo dà lơgar bơyai lơh pơrjum tàm pơrlòng kờ` gơboh dà lơgar anih lơh broă Ban Tuyên giáo dà lơgar, tơngai bơh nam 2020 tus nam 2025. 5 nam do, ală srơh tàm pơrlòng bơh Ban Tuyên giáo dà lơgar dê neh lơh jat kơnòl broă chính trị mờ broă gơlik geh ngan ngồn bơh anih lơh broă dê, pơgồp bal nền nòn mờ broă bơsram, lơh jat nùs nhơm, rài kis Hồ Chí Minh mờ srơh tàm pơrlòng bal bơh gùt lơgar dê.

Bơh srơh tàm pơrlòng neh ai tơlik jơnau bơceh pa tàm broă lam lơh jat kơnòl broă geh jàu; tam gơl niam chài lơh broă, lam lơh tềm pềr, sơndră hoàc huơr; jơh nùs tus bal bơt bơtàu anih lơh broă, mpồl lơh broă. Đơs đơng lam pơrjum, ồng Võ Văn Thưởng, Kuang atbồ Ban Tuyên giáo dà lơgar sồr ală kuang bàng Ban Tuyên giào pal lơh jat kơnòl broă chính trị bơh Ban Tuyên giáo dê; sền gròi tam gơl pa pràn kơldang mờ tơnguh bơta niam, cồng nha ală srơh tàm pơrlòng, lam lơh ua\ ală bơta pa, ală pơn rơ gơguh jak, ală mpồl cau, cau dùl nă să geh pơn rơ, jak ngan tàm ală srơh tàm pơrlòng nàng gơ in geh cồng nha, gơ gơs là broă lơh ờs mờng jat tơngai pơrgon.

Cau mblàng K’Duẩn