VOV4.K’ho – Mho òr 07/3, tàm hìu lơh broă Đảng dà lơgar, ồng Võ Văn Thưởng, kuang geh jơng Gah gùng dră bal dà lơgar, kuang atbồ mpồl mblàng yal gùng dà broă lơh dà lơgar neh wă ồng Takebe Tsutomu, kuang dong broă kuơ màng bơh mpồl tam klac kuang bàng gơnoar ala mat dà lơgar Nhờk mờ Việt Nam.

Tàm dơ\ wă, ồng Võ Văn Thưởng ưn ngài ồng Takebe tàm uă nam do neh lời ală nùs nhơm niam bơne\ mờ geh ală tă pơgồp jơh nùs ngan tàm broă bơtàu tơnguh git gơp lơh bơyô Việt Nam mờ Nhờk đơs bal mờ git gơp tam klac bal đah ală gah, sơnah lơh broă dà lơgar mờ ală càr, [òn dờng bơh 2 lơgar dê đơs is. Ồng Võ Văn Thưởng đơs niam broă ồng Takebe lơh ngan chul chồl mut lơh ală rơndap broă tam klac bal đah 2 lơgar tàm ală gah chài rơgơi – bơto bơsram mờ pơn rơ là rơndap broă hìu bơsram dờng Việt Nam mờ Nhờk. Ồng Võ Văn Thưởng ràng tơlik bơta pin dờn, mờ nùs nhơm lơh ngan bơh kuang đơng lam bồ dờng màng 2 lơgar dê bal mờ bơta sền gròi uă ngan bơh ală bơyô lơgar Việt Nam dê bè ồng Takebe, git gơp Việt Nam mờ Nhờk geh pơnjat tai bơtàu tơnguh pràn kơldang, cèng wơl bơta kuơ ai làng bol 2 lơgar in, tă pơgồp tàm ngap lơngai, kơ\ kơljap, tam klac mờ bơtàu tơnguh bơh kơnhoàl mờ dunia dê.

                                                         Cau cih mờ yal tơngit K’ Duẩn.