VOV4-K’ho.  100% cau dờng sơnam tàm lơgar Việt Nam ndrờm geh dong kờl tơl làm mờ di tu\ tơngai jat adat boh lam, dilah khi geh tơl bơta nàng geh dong kờl. do là jơnau yal tơngit geh đơs tàm dơ\ pơrjum mut lơh kơ nòl broă lơh cau dờng sơnam nam 2015 geh bơyai lơh drim òr tàm hìu lơh broă gơnuar atbồ lơgar. Ồng Vũ Đức Đam, kuang jat jơng gơs gơnap gơnuar atbồ hơđăng rlau jơh dà lơgar, mơkung là kuang atbồ anih duh broă dà lơgar bè cau dờng sơnam neh đơng lam pơrjum. Đơs tàm pơrjum, ồng Vũ Đức Đam sồr ală gah, sơnah lơh broă dà lơgar pơnjat tai mut lơh jat adat cau dờng sơnam, kờp sền broă mut lơh ală broă dong kờl tus mờ cau dờng sơnam, gàr niam ală broă dong kờl geh tus mờ cau dờng sơnam. Chồl pràn broă sền gròi mờ bơtàu tơnguh bơngă cau dờng sơnam, pơ gồp bơnah tơmù bơta kòl yan tus mờ kes priă dà lơgar. Ồng Vũ Đức Đam sồr: “Gah lơh sơ nơm dà lơgar pơnjat tai chồl pràn crơng gơs gah kham, sơm kòp cau dờng sơnam, pơnjat tai kơ lôi sơ nơng mờ gah lơh sră kham sơm kòp ờ sa priă, lơh bè lơi nàng broă kham sơm kòp ờ sa priă tus mờ cau kra uă rlau. Mpồl cau dờng sơnam pal ngan ngồn đơng lam mpồl cau dờng sơnam ală kơnă tus bal jơh nùs tàm broă lam sồr, rề ơnàng kham sơm kòp ờ sa priă gùt làng bol. Tu\ do bol he geh rlau 70% cau blơi sră kham sơm kòp ờ sa priă, mơya uă ngan là bơh dà lơgar dong kờl. tus do den gah lơh sơ nơm dà lơgar gam yal rơndap broă ală kòp ờ bơ tờp, uă ngan do là kòp cau dờng sơnam dê. Pal lơh ngan mut lơh broă do gơ in niam.”