VOV4.K’ho - Tàm dơ\ tus lơh broă tàm càr Dak Nông, ồng Vũ Đức Đam, kuang jăt jơng gơs gơnăp gơnoar atbồ hờ đang rơlao jơh dà lơgar neh tus lam sồr ală cau pơgru tàm hìu bơsram kai 2 Dak Plao mờ hìu bơsram kai 1 Quang Trung tàm ntum Dak Plao, kơnhoàl Dak Glong.

Ală cau pơgru tàm dơ\ pơn jờng

Ồng Vũ Đức Đam, kuang jăt jơng gơs gơnăp gơnoar atbồ hờ đang rơlao jơh dà lơgar lam sồr kơnòm bơsram

Ồng Vũ Đức Đam neh pơyoa bơr ưn ngài tus mờ ală cau pơgru neh sơlèt mờ ală kal ke, jơh nùs bơto ală rài kơnòm bơsram tàm tiah làng bol kòn cau gơtìp bal ke càr Dak Nông dê. Ồng Vũ Đức Đam kơ\p kờ` ală cau pơgru pơn jăt tai tơnguh bơhiàn jăk chài, sơlèt mờ ală kal ke kờ` lơh gơs broă bơto sră. Ồng Vũ Đức Đam đơs: “A` dan chờ gờm mờ tơl^k nùs nhơm ưn ngài uă ngan tus mờ ală cau pơgru, ală cau neh sơlèt mờ ală kal ke tàm rài kis, phan bơna bal mờ nùs nhơm kờ` bơto sră tus tàm ală tiah kal ke, mờ a` rơngoh rơngăc ngan tu\ lùp ală cau pơgru là ală cau pơgru kơ\p kờ` bè lơi lah ờ den ờ geh 1 nă cau lơi đơs bè jơnau kơ\p kờ` să tòm dê. Geh cau pơgru den kơ\p kờ` ală oh kis tàm tiah ngài geh tơl piang sào ngai kờ` pràn să lòt bơsram, ală cau pơgru kung kơ\p kờ` ală oh uă hìu nhă gam rơ[ah den tàng kơ\p kờ` ală oh geh tơl phe sa kờ` lòt bơsram, bơh tàm nùs nhơm tòm a` dê, a` ưn ngài ală cau pơgru uă ngan”.

      Cau cih mờ yal tơng^t Ndong Brawl