VOV4.K’ho - Drim òr (08-1-2016), tàm Hà Nội, pơrjum dờng mpồl cau lơh sơnơm kơnòm să Việt Nam dơ\ 3 tơngai lơh broă bơh nam 2015 tus 2020 pơn jăt tai dơ\ lơh broă.

Pơrjum dờng gùt lơgar mpồl cau lơh sơnơm kơnòm să Việt Nam dơ\ 3 neh tơl^k jơnau lam sồr tàm cau lơh sơnơm kơnòm să gùt lơgar “Cau lơh sơnơm lơh jăt jơnau bơto Bác Hồ dê, lơh is tài bơta pràn kơl dang să jan mpồl bơtiàn” mờ 3 broă lơh mùl màl: “Cau kơnòm să bơsram, tơnguh niam nùs nhơm cau lơh sơnơm”, “Cau lơh sơnơm kơnòm să bơceh tàm broă kơlôi sơnơng khoa học”, “Cau lơh sơnơm kơnòm să tài bơta pràn kơl dang să jan mpồl bơtiàn”… Tàm pơrjum dờng, ồng Vũ Đức Đam, kuang jăt jơng gơs gơnăp gơnoar atbồ hờ đang rơlao jơh lơgar mờ bi Nguyễn Đắc Vinh, kuang atbồ đơng lam dơ\ 1 mpồl ơruh pơnu dà lơgar neh jàu bơkào mờ gai lòng lời kir 30 nă cau lơh sơnơm kơnòm să “Ơm tàm [òn” geh pơnrơ jăk nam 2015. Do là ală cau lơh sơnơm  ngòt kal ke, glar bòl, ai sơnam gam kơnòm ơm bal sền gàr bơta pràn kơl dang să jan ală ntum jăt broă lơh 135 Gơnoar atbồ lơgar dê, tàm ală hìu sơnơm ntum, anih kham kòp ling klàng mờ làng bol lơh bal, tơnguh niam broă kham, sơm kòp, ơla bơhiàn kham, sơm kòp neh ờ di pal, pơs wàs kloh niam sơndră mờ kòp tàm ală [òn…ală cau do là ală bơkào niam tơl^k bơhiàn niam cau lơh sơnơm dê jơh nùs tài cau rơ[ah.

        Cau cih mờ yal tơng^t Ndong Brawl