VOV4.K’ho - Ngai òr (29/6), tàm Hà Nội, Gah lơh sơnơm dà lơgar neh bơyai lơh tơnjơh 5 nam broa\ lơh khà kờp làng bol, deh dùh di kơrhia tàm hìu nha\ tơngai bơh nam 2011-2015 mờ mut lơh broa\ lơh tơngai bơh nam 2016-2020. Tàm 5 nam do, ua\ ngan ala\ broa\ lơh, broa\ tơlik lơh tus broa\ lơh khà kờp làng bol, deh dùh di kơrhia tàm hìu nha\ neh lơh geh, gơya gam ờ ua\ broa\ lơh lơh geh lơh yah hala ờ hềt mùl màl kơljap. Đơs tàm  dơ\ pơrjum,  ồng Vũ Đức Đam kuang jat jơng gơs gơnap gơnoar atbồ hơđang rlau jơh dà lơgar đơs, bơta khà kờp làng bol pa mìng geh sền gròi tus bơta pràn kơldang sa\ ja`, bơta dờng mờ khà  deh dùh ờ hềt geh sền gròi di pal tus broa\ lơh gơ dờp bơh lơh sa-mpồl bơtìan. Tàm 5 nam tus, nàng bơtàu tơngguh bơta niam bơh khà kờp làng wèt tus lơh lơyah tam cah ngai bơh  cau lơh broa\ mờ ala\ lơgar, Đah khà kờp làng bol-deh dùh di kơrhia tàm hìu nha\ dà lơgar geh pơnjat tai geh bơsong niam dơle\ bal ala\ bơta khà kờp làng bol wèt tus broa\ lơh bơtàu tơngguh kơljap bơh Việt Nam mbè lơi tus nam 2020 gàr khà deh ala la 2, 1 na\ kòn, tơmù khà deh tàm bơta 115 na\ sau klau tàm 100 na\ sau ùr, tơngguh khà geh ngui broa\ lơh deh dùh di kơrhia tàm hìu nha\ gơguh tus 80% mờ 100% cau dờng sơnam geh sền gàr pràn kơldang sa\ ja`.

          Cau cih mờ yal tơnggit K’ Brọp