VOV4.K’ho – Drim òr ( 14/7), tàm Hà Nội, geh bơyai lơh pơrjum cau ala mat Mpồl lơh lơma Việt Nam dơ\ 8, tơngai lơh broă bơh nam 2015 tus nam 2020. Tus bal pơrjum, ồng Vũ Đức Đam kuang jat jơng gơs gơnap gơnoar atbồ hơđang rlau jơh dà lơgar đơs niam cồng nha bơh mpồl lơh lơma Việt Nam neh lơh geh tàm tơngai lơh broă lài. Ồng Vũ Đức Đam đơs là, gah lơh lơma Việt Nam gam ngai sơlơ bơtàu tơnguh, pơgồp bơnah tàm broă bơt bơtàu mờ sền gàr dà lơgar, broă lơh sền gàr mờ bơtàu tơnguh chài rơgơi jơi bơtiàn, bơt bơtàu mờ sền gàr kòn bơnus Việt Nam. Bơdìh mờ ală lơma neh geh dà lơgar dong kờl cih mat sồr lơh, den geh uă lơma lơh tờm is bè priă jền, geh tơngume niam ngan mờ geh uă bơta pa tàm broă mut lơh, gơtùi tàm pơrlòng mờ lơma lơgar ndai, ờ uă lơma cèng bơta bơto bơsram uă bè rài kis kòn bơnus, nùs nhơm mờ bơta pơn ìơ să jơi bơtiàn.