VOV4.K’ho – Ngai òr, 21/8, ồng Vũ Đức Đam, kuang jat jơng gơs gơnap gơnoar atbồ hơđang rlau jơh dà lơgar mờ mpồl lơh broă Gơnoar atbồ lơgar neh geh dơ\ lơh broă mờ càr Quảng Ninh bè broă mut lơh kơnòl bơtàu tơnguh lơh sa mpồl bơtiàn 7 nhai bồ nam 2015 mờ kơnòl kuơ màng ală nhai lồi nam 2015. Ồng Vũ Đức Đam neh cih dờp ală broă lơh ngan, jơnau bơceh pa bơh càr Quảng Ninh dê tàm broă mut lơh ală kơnòl bơtàu tơnguh lơh sa mpồl bơtiàn tàm tơngai lài. Mơkung sồr ală gah, sơnah lơh broă dà lơgar pal bơsong ală bơta ờ niam, ờ pràn bè broă lơh, kơrnuat dong kờl càr Quảng Ninh in lơh jơh uă kơnòl, ngan là bè kơrnuat geh pơn rơ is nàng atbồ Vịnh Hạ Long, kờ` sền gàr mờ bơtàu tơnguh bơta kuơ phan lời wơl kah yau dunia, bơtàu tơnguh nhơl chờ gơ jat bal mờ chài rơgơi, nhơl chờ gơ jat bal mờ gùt làng bol. Quảng Ninh pal geh jơnau kờ` loh làng, ngan ngồn bè tơl niam rài kis mpồl bơtiàn, lơh sơnơm, bơto bơsram jat ală broă lơh bal dà lơgar dê nàng mut lơh geh bơta tam gơl tàm broă sền gròi pràn kơldang să jan làng bol, gàr tơl niam rài kis mpồl bơtiàn, ringbal, gơguh jak.

                                                                                                      Cau mblàng K' Duẩn.