VOV4.K’ho - Mho òr (15/8), tàm Hà Nội, lơh broa\ mờ gah sền gàr mpồl bơtìan Việt Nam, ồng Vũ Đức Đam kuang jat jơng gơs gơnap gơnoar atbồ hơđang rlau jơh dà lơgar neh đơs tờm: Nàng lơh geh broa\ lơh tus nam 2020  geh 90% khà kờp làng bol  blơi  sra\ kham sơm kòp ờ sa pria\, gah lơh sơnơm kờ`  pal tơngguh broa\ kham sơm kòp, lơh  bal hia\ wơl sra\ nggal tàm sền kòp,  kham sơm kòp mờ sra\  kham sơm kòp ờ sa pria\, tơngguh bơta mblàng bè bơta kuơ bơh gah sền gàr  gah lơh sơnơm kờ`  gơ hòi ua\ cau tus bal.  Kờp tus jơh nhai 7 nam do,  khà cau tus bal  blơi sra\  sền gàr mpồl  bơtìan pal blơi la  rlau 12 tơlak na\ cau,  sra\ sền gàr cau ờ geh broa\ lơh la rlau 10 tơlak na\ cau,  sra\ kham sơm kòp ờ sa pria\ la mờr 73 tơlak na\ cau. Kờp jơh pria\ geh bơh  gah sền gàr 7 nhai geh rlau 133  rbô  tơmàn pria\. Tàm nhai 7 pa do, gùt lơgar neh jàu pria\ bơh   sra\ sền gàr mpồl bơtìan tus rlau 5 tơlak na\ cau, jàu pria\ kham sơm kòp tus 77 tơlak 500 rbô na\ cau. Đơs tơnjơh bùi lơh broa\, ồng Vũ Đức Đam đơs tờm,  broa\ lơh bơta kuơ mpồl  bơtìan la gai was bơta bơtàu tơngguh bơh dùl dà lơgar. Den tàng, Gah sền gàr mpồl bơtìan Việt Nam  mờ ala\ gah geh gơ rềng kờ` pal  pơnjat tai geh mut lơh niam broa\ lơh  gah sền gàr mpồl bơtìan, kham sơm kòp ờ sa pria\, lơh ngan tus nam 2020 geh 90% khà kờp làng bol geh dờp  kuơ bơh gah sền gàr lơh sơnơm.

Cau cih mờ yal tơnggit K’ Brọp