VOV4.K’ho – Bơh ngai 8 tus ngai 10/6/2016, tàm hìu lơh broă anih duh broă dunia tàm New York, lơgar Mỹ pơrjum dờng màng bơh anih duh broă dunia dê bè rơcang sơndră kòp HIV/AIDS neh geh bơyai lơh. Mpồl Việt Nam bơh ồng Vũ Đức Đam kuang jat jơng gơs gơnap gơnoar atbồ hơđang rlau jơh dà lơgar lam bồ neh tus bal pơrjum.

Đơs tàm pơrjum, ồng Vũ Đức Đam đơs tờm broă lơh rơcang sơndră kòp HIV/AIDS là dùl tàm ală broă lơh geh sền gròi lài ngan bơh gơnoar atbồ lơgar Việt Nam dê, mờ kơnờm ală broă lơh ngan bal, tus tu\ do, kòp HIV/AIDS tàm lơgar Việt Nam neh hời rơhời geh sền gròi. Gơnoar atbồ lơgar Việt Nam hơ pơrgon pràn kơldang sơmbat tê bal mờ mpồl bơtiàn dunia rơcang sơndră kòp HIV mờ sang sơbì kòp AIDS. Ồng Vũ Đức Đam đơs tờm, Việt Nam là lơgar châu Á – Thái Bình Dương sơn rờp lơh jat broă mut lơh jơnau kờ` 90-90-90 bơh anih duh broă dunia dê. Ồng Vũ Đức Đam đơs là, mpồl bơtiàn dunia pa hơ pơrgon tàm khà uă ngan rlau jơh kờ` ờ lời cau lơi ơm wơl tơ nơ\ tàm broă lơh rơcang sơndră kòp do.

                    Cau cih mờ yal tơngit K’ Duẩn.