VOV4.K’ho – Drim òr 8/8, tàm Hà Nội, Mpồl cau gơtìp sơnơm khih điôxin lơh aniai Việt Nam bơyai lơh pơrjum jak chài dunia sền sơwì bơta aniai bơh sơnơm khih điôxin bơh lơgar Mỹ ngui tàm rài tam lơh tàm lơgar Việt Nam.

Jat cồng nha ală bơta kơlôi sơnơng tàm lơgar Việt Nam mờ tàm dunia, bơh nam 1961 tus nam 1971, ling lơgar Mỹ neh [ồm rơ sìh mờr 80 tơlak lít sơnơm khih, 61% tàm hơ\ là sơnơm khih điôxin, geh 366 ki\ điôxin tàm ¼ bă ù tiah đah jum lơgar Việt Nam dê. Sơnơm khih điôxin lơh tiah kis gơtìp aniai kơnjơ\, mờr 4 tơlak 800 rbô nă cau Việt Nam gơtìp aniai. Kuơ màng, sơnơm khih điôxin gam lơh bơ tờp tus uă rơnàng. Tàm lơgar Việt Nam, bơta aniai bơh sơnơm khih điôxin dê neh bơ tờp tus rơnàng dơ\ 4. Đơs tàm dơ\ pơrjum, ồng Vũ Đức Đam kuang jat jơng gơs gơnap gơnoar atbồ hơđang rlau jơh dà lơgar đơs tờm, tơngai tus, pal sơlơ tơnguh rlau tai broă bơsong jơnau gơ lời wơl bơh sơnơm khih điôxin lơh aniai, mờ jơnau đơs jak chài, bơh nùs nhơm dê, nàng jơh ală cau gơtìp aniai bơh rài tam lơh, ngan là cau gơtìp sơnơm khih điôxin lơh aniai geh dong kờl, geh dờp wơl bơta ringbal.

        Cau cih mờ yal tơnggit K’ Duẩn.