VOV4.K’ho – Mho òr 7/8, ồng Vũ Đức Đam, kuang jat jơng gơs gơnap gơnoar atbồ hơđang rơlau jơh dà lơgar đơng lam pơrjum sơlơ tơnguh rơlau tai broă rơcang sơndră kòp prơm gơlik mhàm tàm Tây Nguyên.

             Ồng Vũ Đức Đam kuang jat jơng gơs gơnap gơnoar atbồ hờ đang rơlau jơh dà lơgar đơng lam pơrjum

Tơnơ\ rơlau 6 nhai gơlik geh kal ke, kòp mprơm gơlik mhàm neh gơlik geh tàm jơh ală càr tàm Tây Nguyên mờ rơlau 7 rbô 400 nă cau kòp, geh tus 15% khà cau gơbàn kòp gùt lơgar, tàm hơ\ geh 4 nă cau chơt. Gia Lai mờ Dak Lak gơ ơm tàm 10 càr geh khà cau gơbàn kòp uă ngan rơlau jơh mờ geh bơta aniai bơh 4 tuýp virus kòp mprơm gơlik mhàm. Đơs đơng lam pơrjum, ồng Vũ Đức Đam đơs tờm: “ Kuơ màng ngan rơlau jơh là mblàng yal, lam sồr. Mblàng yal bơh anih yal jơnau tơngit mơya kuơ màng ngan rơlau jơh tus mờ mpồl bơtiàn là bol he pal lơh bè kòp prơm duh să lài do, pal geh dùl git wă sùm tàm mpồl bơtiàn, ờ di là 3 nam dùl dơ\ bè do. Lam sồr gùt mpồl Đảng, gah tề lam gùng dră bal, mpồl bal lòt lam sồr, mờ pal lam sồr uă nàng làng bol in git rơcang sơndră kòp mprơm gơlik mhàm.”

 Lài mờ hơ\, tàm drim òr (07/8), ồng Vũ Đức Đam, kuang jăt jơng gơs gơnăp gơnoar atbồ hờ đang rơlao jơh dà lơgar bal mờ mò Nguyễn Thị Kim Tiến, kuang atbồ gah lơh sơnơm dà lơgar bal mờ mpồl kuang bàng tàm gah lơh sơnơm dà lơgar neh tus sền bè bơta kòp prơm tàm càr Dak Lak.

           Ồng Vũ Đức Đam kuang jat jơng gơs gơnap gơnoar atbồ hờ đang rơlau jơh dà lơgar tus sền mùl màl tàm càr Dak Lak

Jăt gah lơh sơnơm càr Dak Lak yal, kờp tus ngai 03 nhai 8, gùt càr do neh dờp geh rơlao 3 rơbô nă cau gơbàn kòp prơm gơl^k mhàm, tơnguh 11 dơ\ jăt mờ tu\ do nam lài, tàm hơ\ geh 1 nă cau neh chơ\t. Kòp dờp geh 145 ntum tàm 184 ntum, sơnah [òn, [òn drà, [òn dờng. Bơh tàm broă sền gròi mùl màl tàm ntum Hoà Thuận, ntum Ea Tu mờ ntum Cư\ Ebur, [òn dờng Buôn Ma Thuột, mò Nguyễn Thị Kim Tiến đơs:

            Mò Nguyễn Thị Kim Tiến, kuang atbồ gah lơh sơnơm dà lơgar tus sền cau kòp tàm hìu sơnơm càr Dak Lak

“Bơh tàm broă tus sền mùl màl tàm ală ntum, tài mìu uă, làng bol ngui uă phan kờn dà, do là bơta kờ` sơmăc mờ kih dà ơm kis uă. Lài do, khà làng bol kis tàm do gơbàn kòp ờ uă, tu\ do tài tơngai să jan ờ hềt pràn tàm broă sơndră mờ kòp, den tàng neh gơbàn kòp uă. Mơya, broă sơndră neh geh lơh mhar bơh gơnoar atbồ bal mờ gah lơh sơnơm, mơya tài jơnau g^t wă bơh làng bol dê tàm broă gơsơ\t sơmăc mờ kih dà kung bè uă tu\ ờ hềt lơh broă bal mờ kuang bàng lơh sơnơm, kờ` [ồm sơnơm gơsơ\t sơmăc, den tàng kòp gơtòp mhar, dơ\ 2 tai là tài ờ ru mờ lơh broă den tàng tu\ gơbàn kòp, làng bol ờ tus mơ hờ hìu sơnơm kờ` kham mờ sơm kòp di tu\".

Cau cih mờ yal tơng^t K’ Duẩn - Ndong Brawl