VOV4.K’ho - Drim òr (23/02), tàm Hà Nội, Gah rơndap broa\ ờ bơcri pria\ dà lơgar geh lơh bal mờ anih pria\ jền dunia geh bơyai lơh chờ yal jơnau tơngit “Việt Nam 2035-Wèt tus pas gơs, bơceh pa, drờm bal mờ lơh tờm”. Tus bal geh ồng Vũ Đức Đam kuang jat jơng gơs gơnap gơnoar atbồ hơđang rơlau jơh dà lơgar mờ ồng Jim Yong Kim kuang atbồ anih pria\ jền dunia. Jơnau “Việt Nam 2035-Wèt tus pas gơs, bơceh pa, drờm  bal mờ lơh tờm” geh tơlik ala\ broa\; lơh nàng geh lơh niam kờ` Việt Nam gơs la rài lơh sa bơtàu tơngguh mhar, kơljap, mờ pria\ geh kờp bal jơnhua tàm nam 2035. Đơs tàm pơrjum, ồng Jim Yong Kim đơs la, Việt Nam la dùl lơgar geh lam lài geh cồng nha bè bơtàu tơnguh bơh dùl lơgar rơbah ngan rơlau jơh, tàm 30 nam do,  neh gàr geh khà gơguh lơh sa pah nam mờr 7% mờ neh mut lơh geh cồng nha ala\ broa\ lơh dong git nđờ jơt tơlak na\ cau lik klàs mờ rơbah.  Jơnau tơnggit nàng geh ai git rài lơh sa bơh lơgar Việt Nam gam tềng lơi tàm kơnhoàl mờ tàm dunia, bơta kơp kờ` ngan bơh lơgar Việt Nam tus nam 2035 la bè lơi, ala\ kal ke lơi tus bơtàu tơngguh bơh lơgar Việt Nam tu\ do mờ mờ broa\ lơh nàng lơh geh broa\ tơlik lơh lơgar Việt Nam dê.

                                                    Cau cih mờ yal tơnggit K’ Brọp