VOV4.K’ho- Ngai 16/11, ồng Vũ Đức Đam Phó Thủ tướng Chính phủ neh tìp măt mờ Mpồl cau ala măt 63 nă cau pơgru jơi bơtiàn kòn cau pơnrơ jak. Ala măt kuang bàng đơng lam bồ Đảng, Dà lơgar, ồng Vũ Đức Đam jờng rơ ală tă pơgồp dờng ngan bơh ală pơgru dê tàm broă lơh bơto bơtê bơh dà lơgar dê; kơ\p kờ` ală cau pơgru pơn jăt tai ai jơh bồ tơngoh jak, bơta kơ\ dơn, sùm là krơh àng tàm gah bơto bơtê in; jơh nùs jơh tồr, lơh broă jo\ jòng sùm bơh broă lơh “bơ\t bơtàu kòn bơnus”, cèng bồ tơngoh jak ai ală kơnòm bơsram tiah sar lơgar ngài, tiah jơi bơtiàn kòn cau in.

Ồng Vũ Đức Đam tìp măt lơh quèng mờ ală pơgru jơi bơtiàn kòn cau pơnrơ jak

Ồng Vũ Đức Đam kung đơs nền, geh hòi jà ală kấp, ală gah mờ jơh gùt mpồl bơtiàn tàm sơm băt tê bal dong kờl, lơh niam phan bơna mờ rài kis, nùs nhơm cau pơgru tiah sar lơgar ngài, tiah jơi bơtiàn kòn cau dê. Bè, hơ\ là phan bơna bơh hìu bơsram, cơldu\ bơsram; dơ\ sàu sa tơl phan sa bơkah tơl pràn; hìu jă brê, phan ngui bơsram, ngan là phan ngui bơto dà jơi bơtiàn kòn cau.

Cau mblàng Lơ Mu K’Yến