VOV4.K’ho- Ngai 20/12, 3 nă cau tàm mpồl cau bơh sơnrờp ci\t tơrlòng lài sơnơm vaccine rơcăng sơndră kòp Covid-19 tàm lơgar he să jan kung gam pràn sơl bè ờs tơnơ\ 72 jiơ geh ci\t sơnơm vaccine Nanocovax. Mho ngai 20/12, ồng Vũ Đức Đam Phó Thủ tướng Chính phủ mờ ồng Nguyễn Thanh Long Bộ trưởng Bộ Y tế neh lòt còp pe nă cau ci\t is sơnơm do. 3 nă cau bơh sơnrờp geh ci\t sơnơm vaccine Nanocovax, tàm hơ\ geh 2 nă cau ùr, 1 nă cau klau, tàm hơ\ geh 2 nă cau là ơruh pơnu 20 sơnam (ndrờm là cau bơsram dờng) mờ dùl nă cau ùr 40 sơnam lơh pơgru tàm Hà Nội.

Tu\ do, să jan bơh 3 nă cau ci\t is sơnơm do dê ndrờm bè ờs lơm, nùs nhơm niam ngan. Còp bè bơta pràn kơldang să jan bơh 3 nă cau neh geh ci\t tơrlòng lài sơnơm vaccine Nanocovax, ồng Vũ Đức Đam Phó Thủ tướng Chính phủ jờng rơ nùs nhơm tài mpồl bơtiàn, kờ` gơboh Dà lơgar bơh ală cau geh nùs nhơm ci\t is do dê. Phó Thủ tướng ồng Vũ Đức Đam đơs sùm, kơ\p kờ` gờ` lơh gơlik geh sơnơm vaccine rơcăng sơndră kòp Covid-19 tàm lơgar. Bulah blơi geh sơnơm vaccine bơh lơgar ndai den kung gam kờ` pal lơh pràn lơh gơlik sơnơm vaccine tàm lơgar sơl.

Cau mblàng Lơ Mu K’Yến