VOV4.K’ho – Mho òr 25/11, tàm Hà Nội, ồng Vũ Trọng Kim kuang jat jơng atbồ, mơlà kuang atbồ Anih duh broă gah tề lam gùng dră bal dà lơgar Việt Nam wă ala mat kuang đơng lam bồ mpồl lơh sa dờng GAMA, lơgar Hungary bơh Thiếu tướng Tollar Tobor, kuang atbồ đah lơh broă dà lơgar bè dong kờl rềs àr, sền gàr mờ bơsong bơta ờ niam tiah kis, rềs àr lơgar Hungary dê di tu\ Mpồl tus còp mờ lơh broă tàm lơgar Việt Nam. Tàm dơ\ tìp mat, ồng Vũ Trọng Kim tam pà, Việt Nam gam rơcang tus broă crơng gơs ală hìu mai\ đèng hạt nhân, bơtàu tơnguh ală tiah lơh sa mờ mai\ mok dờng den tàng ồs sa bơr toh là jơnau pơhìn sùm gơlik geh, bal mờ hơ\ là ală rềs àr bơh trồ tiah. Den tàng broă kuang đơng lam bồ mpồl lơh sa dờng GAMA tus còp mờ lơh broă tàm Việt Nam geh kuơ ngan, là tu\ nàng 2 gah cribơyai bal ală mờng chài tàm broă dong kờl rềs àr, sền gàr mờ bơsong bơta aniai tiah kis, sềr àr bơh trồ tiah. Ồng Vũ Trọng Kim kơp kờ` tàm tơngai tus, 2 gah pơnjat tai tam klac, tam pà mờng chài bơh hơ\ pơgồp bơnah sơlơ tơnguh bơta tam klac lơh  bơyô đah 2 lơgar Việt Nam mờ Hungary.

                                                           Cau cih mờ yal tơngit K’ Duẩn.