VOV4.K’ho - Tàm dơ\ tus còp mờ lơh broă tàm lơgar Anh, mang ngai 12/9 jăt jơ tàm tiah do dê, ồng Vũ Văn Ninh, kuang jăt jơng gơs gơnăp gơnoar atbồ hờ đang rơlao jơh dà lơgar neh tus còp mờ boh bơr mờ kuang bàng, cau lơh broă tàm anih ala măt lơgar Việt Nam tàm lơgar Anh lài mờ tu\ tus còp mờ lơh broă tàm lơgar Thuỵ Sỹ. Boh bơr mờ kuang bàng, cau lơh broă tàm anih ala măt lơgar Việt Nam, ồng Vũ Văn Ninh neh đơs niam broă lơh ngan bơh ală kuang bàng, cau lơh broă anih ala măt lơgar Việt Nam tàm lơgar Anh. Jăt ồng Vũ Văn Ninh đơs, broă chồl pràn broă lơh bal mờ lơgar Anh bè kă bro, bơcri priă, bơto bơtê, bơta chài rơgơi mờ nhơl chờ là ală broă lơh mùl màl kờ` tơnguh broă lơh bal kuơ màng bơh 2 lơgar. Lơgar Anh kung đơs, geh sền gròi broă dong kờl lơgar Việt Nam lơh hìu bơsram dờng Việt – Anh tàm [òn dờng Đà Nẵng, crơng gơs anih sền gròi mờ ai khà dà đơs lơgar Anh, cri bơyai ndrờm bal sră nggal mờ ndrờm bal broă bơsram, mờ ai niam ngan cau bơsram dờng lơgar Việt Nam in tus bơsram tàm lơgar Anh. Ồng Nguyễn Văn Thảo, kuang ala măt lơgar Việt Nam tàm lơgar Anh neh đơs, mpồl kuang bàng, cau lơh broă tàm anih ala măt geh lơh gơs niam kơnòl là anih tơrbo\ bal bơh lơgar Việt Nam mờ lơgar Anh, mờ bơ\t bơtàu sùm broă lơh bal niam bơne\ bơh 2 lơgar dê. Tơn jơh niam bơne\ dơ\ tus còp mờ lơh broă tàm lơgar Anh, ồng Vũ Văn Ninh bal mờ mpồl kuang bàng tus còp mờ lơh broă tàm lơgar Thuỵ Sỹ bơh ngai 13/9.