VOV4.K’ho – Di dơ\ tus bal Pơrjum Rài tơnơ\ do châu Á dê dơ\ 21 geh lơh tàm Tokyo, lơgar Nhờk, mho ngai 21/05, ồng Vũ Văn Ninh kuang jat jơng gơs gơnăp gơnoar atbồ hơđang rlau jơh dà lơgar neh geh dơ\ tìp mat mờ ồng Shinzo Abe kuang gơs gơnăp gơnoar atbồ hờ đang rlau jơh lơgar Nhờk dê. Bàr gah tơlik nùs nhơm chờ hờp tềng đăp bơta bơtàu tơnguh pràn kơldang, tơl làm mờ geh cồng nha ngan ngồn bơh bơta gi\t gơ\p đah Việt Nam mờ Nhờk tàm tơngai lài, kuơmàng kờp bơh tu\ geh tơnguh kơnă gơs là “Lơgar tam klac lơh broă bal dờng màng tơl làm” tàm nhai 03/2014 lài do, mơkung ring bal lơh sùm ală dơ\ lòt còp, tìp mat đah ală kuang bàng dờng màng. Ồng Vũ Văn Ninh tơlik nùs nhơm kơ\p kờ` 2 lơgar pơgồp bal niam nàng mu\t lơh ală jơnau ring bal kơnă kuang bàng dờng màng dê bè lơh sa; sồr Gơnoar atbồ lơgar Nhờk pơn jăt tai ai uă priă ODA dong Việt Nam bơtàu tơnguh kơ\ kơl jăp, chul chồl ală mpồl lơh sa kă bro lơgar Nhờk sơlơ bơcri priă, bơto ngui mờ ai măy mok tơmu\t tàm Việt Nam, tàm hơ\ geh broă lơh sa sươn sre.