VOV4.K’ho – Drim òr 24/04, tàm Hìu duh broă Gơnoar atbồ lơgar, ồng Vũ Văn Ninh kuang jăt jơng gơs gơnăp gơnoar atbồ hơđang rlau jơh dà lơgar đơng lam Pơrjum pờ tơn tàm internet gùt lơgar bè broă mu\t lơh jăt kơrnoat sồ 67 bơh Gơnoar atbồ lơgar dê, bè ờ uă broă lơh bơtàu tơnguh phan tàm dà. Đơs tàm dơ\ pơrjum, ồng Vũ Văn Ninh đơs loh: Broă lơh dà lềng Việt Nam dê geh Gah Gùng dră bal dà lơgar, Mpồl duh broă Đảng dà lơgar geh Kơrnoat ring bal, mờ đơs tờm broă tơnhàu ală phan kuơ tàm dà tàm dà lềng nàng bơ\t bơtàu dà lơgar he pràn bè dà lềng, pas bè dà lềng. Den tàng bè hơ\, Gơnoar atbồ lơgar geh Kơrnoat sồ 67 mờ jơnau kờ` sùm sùm là chul chồl làng bol lơh ka lơh broă tàm dà lềng, tàm bơta geh bơh sơnrờp hơ\ bơyai lơh wơl broă lơh ka halà rơndăp tăp sèng wơl gah lơh phan tàm dà, chul chồl lơh ơhò dờng, mơya pal kơ\ kơl jăp, nàng gơtùi lòt lơh ka tàm dà lềng ngài di mờ bơta kuơ tơl tiah dê. Bơh hơ\, dong làng bol lơh ka kơ\ kơl jăp lơh sa, bơtàu tơnguh kơ\ kơl jăp, mờ priă lơh geh ngai sơlơ uă tai, pơgồp bơnah gàr kơ\ gơnoar tờm dà lềng bồt bơlào bơh dà lơgar dê. Tàm nùs nhơm do, ồng Vũ Văn Ninh sồr, ală gah sơnah lơh broă dà lơgar mờ ală tiah pơn jăt tai lơh jăt jơnau kờ` bơh Kơrnoat 67 dê nàng rơndăp lơh gùng dà broă lơh, dan geh ală broă lơh dipal nàng mu\t lơh tơn.