VOV4.K’ho - Mho mang òr (23/10),  tàm Hìu lơh broa\ Gơnoar atbồ lơgar, ồng Vũ Văn Ninh kuang jat jơng gơs gơnap gơnoar atbồ hơđang rlau jơh dà lơgar neh wa\ ồng Michael Corbat gơnoar atbồ gùt plai ù mpồl lơh sa dờng Citigroup, lơgar Mỹ gam còp mờ lơh broa\ tàm lơgar Việt Nam.

            Tàm bùi wa\,  ồng Vũ Văn Ninh neh đơs bơta chờ tu\ ua\ ngan cau lơh broa\ bal bơcri bơh lơgar cau, tàm hơ\ geh bal Citigroup neh rwah Việt Nam la anih tus bơcri lơh sa. Ồng Vũ Văn Ninh đơs loh: Gơnoar atbồ lơgar Việt nam tu\ lơi kung rcang dong kờl tơl bơta niam tus ala\ cau bơcri tus tuh pria\ lơh sa tàm Việt Nam tài bơta kuơ 2 gah geh kuơ bal. Ồng Vũ Văn Ninh neh kờ` Citigroup pờ ơnàng mờ lơh pràn broa\ lơh tàm Việt Nam, pơ gồp bal chul chồl git gơp lơh broa\ bal bơcri, ka\ bro bơh Việt Nam-Mỹ, gơ hòi geh ala\ mpồl lơh sa dờng tus lơh sa ka\ bro, ala\ geh cih bơh kơrnuat bơcri dờng  lơgar cau geh bơcri tàm lơgar Việt Nam.

                             Cau cih mờ yal tơnggit K’ Brọp.