VOV4. K’ho -  Mut lơh broă lơh tìp mat cau te\ khà lài mờ pơrjum dơ\ 9 Gơnoar ala mat dà lơgar kơnă 13, drim òr (21/04), ồng Vũ Văn Ninh kuang jat jơng gơs gơnap gơnoar atbồ hơđang rlau jơh dà lơgar, bal mờ mpồl kuang bàng gơnoar ala mat dà lơgar càr Nam Định neh tìp mat cau te\ khà tàm bòn drà Nam Giang,  kơnhòal Nam Trực, càr Nam Định. Tàm dơ\ tìp mat, ala mat mpồl kuang bàng gơnoar ala mat dà lơgar càr Nam Định neh yal dùl êt bè jơnau kờp du\ lài broă lơh pơrjum dơ\ 9, gơnoar ala mat dà lơgar kơnă 13. Jat mờ hơ\, pơrjum dơ\ 9 digơlan geh mut lơh tàm ngai 20 nhai 5 tus do mờ tơn jơh tàm ngai 25 nhai 6 tus do. Tàm dơ\ pơrjum do, gơnoar ala mat dà lơgar geh sền sơwì ring bal 11 rơndap adat mờ 1 kơrnuat, ai jơnau đơs tus mờ 14 rơndap adat. Ala mat mpồl kuang bàng gơnoar ala mat dà lơgar càr Nam Định, ồng Vũ Văn Ninh cih dờp mờ đơs niam ală jơnau đơs tă pơgồp jơh nùs, di mờ bơta geh ngan bơh cau te\ khà bòn drà Nam Giang dê. Ồng Vũ Văn Ninh đơs tờm: Tu\ do Đảng, dà lơgar gam đơng lam ală gah, sơnah lơh broă dà lơgar, ală tiah chồl pràn ală broă lơh rơndap tăp sèng wơl lơh sa suơn sre, jat nùs nhơm tơnguh jơnhua cồng nha tơnhàu phan bơna, rơndap tap sèng wơl phan lơh gơs bơh suơn sre nàng dipal mờ drà kă bro tàm lơgar mờ dunia.

                                                                                               Cau mblàng K’ Duẩn.