VOV4.K’ho – Pơnjat tai dơ\ tus còp mờ lơh broă tàm lơgar Anh, mho ngai 10/9, jat jiơ Việt Nam, Anih ala mat lơgar Việt Nam tàm lơgar Anh bơyai lơh cribơyai lơh sa Việt Nam tàm lơgar Anh mờ tơngume “ Lơh broă bal tài bơta bơtàu tơnguh: Bơta niam tam klac tus mờ mpồl lơh sa kă bro lơgar Việt Nam mờ lơgar Anh”. Mut lơh cribơyai, ồng Vũ Văn Ninh kuang jat jơng gơs gơnap gơnoar atbồ hơđang rlau jơh dà lơgar pà git, Việt Nam gam rơcang lài chồl pràn mut gơ rờm bal dunia mờ ală jơnau pơrgon khat gơboh kă bro neh ki\ mờ Hàn Quốc mờ mpồl tam klac lơh sa châu Á – châu Âu, hala mờr tus geh ki\ mờ Mpồl tam klac châu Âu kung bè gam lơh ngan lơh jơh jơnau kờ` bơt bơtàu Mpồl bơtiàn lơh sa ASEAN mờ ki\ Jơnau pơrgon tam klac lơh sa gùt Thái Bình Dương TPP mờ 11 lơgar ndai tàm lồi nam do. Jat ồng Vũ Văn Ninh, ală jơnau pơrgon khat gơboh kă bro jat broă lơh pa digơlan geh chul chồl cribơyai kă bro, ai geh bơta [uơn [ùai tus mờ mpồl lơh sa kă bro lơgar ndai in tu\ bơcri priă, kă bro tàm lơgar Việt Nam, mơkung lơh geh bơta pràn nàng Việt Nam tam gơl kơrnuat lơh broă, mpồl duh broă dà lơgar, lơh geh anih kă bro, bơcri priă niam, loh làng, song dơpă, drơng jơnau kờ` mut gơ rờm bal kung bè jat adat boh lam dunia.

                                                                                                    Cau cih mờ yal tơnggit K' Duẩn.