VOV4.K’ho – “ Mpồl lơh sa dờng nhơm zờu dà lơgar Việt Nam pal mblàng mờ mut lơh niam kơnòl lơh sa kă bro gơ jat bal mờ broă sền gàr tiah ơm kis, gàr niam ngap lơngai dà lơgar”. Do là jơnau sồr bơh ồng Vũ Văn Ninh dê, kuang jat jơng gơs gơnap gơnoar atbồ hơđang rlau jơh dà lơgar tàm dơ\ pơrjum cau ala mat mpồl Đảng bơh mpồl lơh sa dờng nhơm zờu dà lơgar Việt Nam dơ\ 2, tơngai lơh broă bơh nam 2015 tus nam 2020, geh bơyai lơh drim òr, 30/7 tàm Hà Nội. Ồng Vũ Văn Ninh kung sồr, tơngai lơh broă tus, mpồl lơh sa dờng pal tơr gùm mut lơh jat jơnau đơs pơn dut sồ 41 bơh Gah gùng dră bal dà lơgar dê bè rơndap broă kuơ màng bơtàu tơnguh gah lơh nhơm zờu Việt Nam, mờ tơngume tờm là jòi sền, tơnhàu, pơndiang, lơh gơlik, mut lơh broă tac mờ blơi bơh lơgar ndai. Tàm hơ\, jòi sền, tơnhàu nhơm zờu là broă lơh kuơ màng pal geh sền gròi ngan, sơlơ bơcri bơtàu tơnguh ờ mìng tàm lơgar mờ lơgar ndai. Bal mờ hơ\, mpồl lơh sa dờng pal tam gơl broă đơng lam, tơnguh jơnhua cồng nha lơh broă, bơt bơtàu mpồl lơh sa dờng gơs mpồl pràn kơldang, kơ\ kơljap tơl làm mờ geh cồng nha uă tàm broă lơh sa kă bro, tă pơgồp uă tus mờ broă lơh tam gơl pa dà lơgar.

                                                                                  Cau mblàng K' Duẩn.