VOV4.K’ho – Drim òr 21/05, Pơrjum Rài tơnơ\ do châu Á dê dơ\ 21 mờ tơngume “Châu Á tơnơ\ nam 2015: Ală kơnòl broă ai bơta ngăp lơngai mờ pas sơm bơtàu tơnguh jo\ jòng” neh ngan ngồn mu\t lơh tàm càr lơgar Tokyo, lơgar Nhờk dê. Đơs tàm dơ\ mu\t pơrjum, ồng Vũ Văn Ninh kuang jăt jơng gơs gơnăp gơnoar atbồ hơđang rlau jơh dà lơgar Việt Nam cribơyai ờ uă broă geh gơrềng tus mpồl bơtiàn Asean, bơta gi\t gơ\p đah Asean mờ Nhờk mờ gi\t gơ\p đah Việt Nam mờ Nhờk, bơh hơ\ geh ală jơnau bơto pơlam ai bơtàu tơnguh kơ\ kơl jăp bơh châu Á dê in tàm rài tơnơ\ do. Ồng Vũ Văn Ninh đơs tờm: “Mpồl bơtiàn lơh sa Asean geh bơt bơtàu gơnoar broă tờm bơh Asean dê tàm rơndăp tăp sèng lơh sa tiah châu Á- Thái Bình Dương; pơn jăt tai là dùl bơta pràn chồl kuơmàng chul chồl tàm tơrbo\ bal lơh sa tàm tiah do mờ tàm gùt dunia, lơh gơnoar broă là tiah tàm tơrbo\ bal Tiah đah mat tơngai lik châu Á mờ châu Âu, châu Mỹ”. Bè gi\t gơ\p đah Asean mờ Nhờk, ồng Vũ Văn Ninh đơs, Nhờk geh gơnoar broă kuơmàng tus mờ bơta bơtàu tơnguh bơh tiah châu Á- Thái Bình Dương, là lơgar lơh broă bal dờng màng ngan mờ geh ală tă pơgồp kuơmàng tàm broă lơh ngan bơ\t bơtàu Mpồl bơtiàn Asean...

                                       Cau mblàng Lơ Mu K’ Yến