VOV4.K’ho - Mho òr (09/12),  tàm Hà Nội,  Gah gùng lòt pơndiang phan dà lơgar neh bơyai lơh pơrjum tơnjơh broa\ lơh rơndap, tam gơl pa mờ bơtàu tơngguh mpồl lơh sa ka\ bro tơngai bơh nam 2011-2015. Ồng Vũ Văn Ninh kuang jat jơng gơs gơnap gơnoar atbồ hơđang rlau jơh dà lơgar, mờ la kuang atbồ lam sồr tam gơl pa mờ bơtàu tơngguh mpồl lơh sa ka\ bro neh tus bal mờ đơs tàm dơ\ pơrjum. Tàm 5 nam do,  Gah gùng lòt pơndiang phan dà lơgar neh mut lơh cau lơh broa\ bal tàm 137 mpồl lơh sa ka\ bro, gơguh 67 mpồl lơh sa ka\ bro pơndrờm mờ broa\ geh ky\. Kờp tus tu\ do,  Gah gùng lòt mờ pơndiang phan dà lơgar neh lơh gơs broa\ gơ hoàc pria\ tàm 113 mpồl lơh sa ka\ bro, kờp jơh pria\ geh ai wơl rlau 4.399 tơmàn pria\. Gah gùng lòt pơndiang phan dà lơgar kung neh lơh gơs sra\ nggal jàu wơl pria\ dà lơgar tàm 5 mpồl lơh sa ka\ bro mờ kờp jơh pria\ jàu la 581 tơmàn pria\. Đơs tàm dơ\ pơrjum, ồng Vũ Văn Ninh sồr: Gah gùng lòt mờ pơndiang phan dà lơgar pơnjat tai geh rơndap tam gơl pa broa\ lơh atbồ bơh ala\ mpồl geh lơh broa\ geh kuơ dà lơgar, geh lơh ngan sền wơl rơndap tap sèng ua\ ngan la geh pơ gồp bal bơh ala\ mpồl lơh sa ka\ bro neh mut lơh mơya khà ờ hềt jơnhua jat khà jàu. Ala\ mpồl lơh sa ka\ bro neh pơ gồp bal lơh mờ ờ hềt jòi geh cau bơcri kuơ màng den pal lơh mhar broa\ jòi nàng geh mut lơh.

                             Cau cih mờ yal tơnggit K’ Brọp