VOV4.K’ho - Drim òr, (04/8), tàm Hà Nội, ồng Vương Đình Huệ, kuang jăt jơng gơs gơnăp gơnoar atbồ hờ đang rơlao jơh dà lơgar neh geh dơ\ tìp mờ ồng Somdy Douangdy, kuang jăt jơng gơs gơnăp gơnoar atbồ hờ đang rơlao jơh dà lơgar mờ là kuang atbồ gah priă jền lơgar Lào gam còp mờ lơh broă tàm lơgar he. Tàm dơ\ tìp, 2 nă ồng neh ring bal chồl pràn broă lơh bal bơh Gah priă jền dà lơgar 2 lơgar dê tàm ală gah bè tơnguh broă tam gơl mpồl kuang bàng dờng màng mờ ală cau jăk chài tus cri bơyai, tam pà bal broă mờng chài kờ` ring niam broă lơh sa dờng, broă lơh priă jền, tàm hơ\ uă ngan là broă mờng chài tàm broă sền gàr ngui dơ\ kes priă mờ gàr niam ờ do ờ dă dồs dà lơgar; bơ\t bơtàu adăt boh lam, kơrnoăt boh lam, broă lơh priă jền; lơh broă bal mờ bơto bơtê bơtơl kuang bàng lơh broă gah priă jền in.

                  Cau cih mờ yal tơng^t Ndong Brawl