VOV4.K’ho – Ngai òr, 27/5, ồng Vương Đình Huệ kuang geh jơng gah gùng dră bal dà lơgar, kuang jat jơng gơs gơnap gơnoar atbồ hơđang rlau jơh dà lơgar tus còp mờ lơh broă tàm càr Daklak.

Tơ nơ\ mờ tu\ lòt sền bơta geh ngan, ồng Vương Đình Huệ sồr càr Daklak mờ ờ uă gah, sơnah lơh broă dà lơgar lơh loh ờ uă bơta ờ mìng cèng bơta jal mhar mờ gam cèng bơta kuơ màng jo\ jòng tàm càr bè broă lơh kuơ màng bè rơcang sơndră trồ prang soat dà, bơtàu tơnguh lơh sa suơn sre mờ công nghệ pa, tam pa kơphe, gàr kơ\ làng bol ntrờn ơm kis bơdìh mờ rơndap broă, bơta lơh broă bơh anih dờng lơh sa suơn sre. Ồng Vương Đình Huệ pà git, gơnoar atbồ lơgar pa ringbal pơnjat tai tă dong kờl càr Daklak in 1 rbô tấn phe nàng dong làng bol ờ tơl phe sa tài trồ prang dờng soat dà lơh aniai. Bè ờ uă kơnòl kuơ màng tàm tơngai tus, ồng Vương Đình Huệ sồr: “ Sồr mpồl đơng lam càr, anih duh broă làng bol càr Daklak tơr gùm đal git nam 2016 do kuơ màng ngan, là nam sơn rờp bơh tơngai lơh broă dê, nùs nhơm rơcang lài dờng ngan, mơya gơtìp uă kal ke. Mơya tơr gùm đơng lam krà` cê, kuơ màng, mùl màl tàm tơl broă lơh den jat a` geh lơh gơs bơta pơn jờng bơtàu tơnguh. Gơ wèt mờ Daklak, lơh sa suơn re kung gam là kuơ màng ngan rlau jơh, bol a` sồr ală oh mi bơt bơtàu rơndap broă tap sèng wơl gah lơh sa suơn sre tơngai bơh nam 2016 tus nam 2020, tàm hơ\ bol he pal sền gròi ờ uă chi tam kuơ màng bơh Daklak dê. Bè lơh sa mờ mai\ mok den tơrgùm tàm lơh sa mờ mai \ mok drơng lơh sa suơn sre in.”

                   Cau cih mờ yal tơngit K’ Duẩn.