VOV4.K’ho – Mho òr, 25/5, tàm hìu lơh broă gơnoar atbồ lơgar ồng Vương Đình Huệ kuang geh jơng gah gùng dră bal dà lơgar, kuang jat jơng gơs gơnap gơnoar atbồ hơđang rlau jơh dà lơgar đơng lam pơrjum ai jơnau đơs tàm rơndap cih kơrnuat bè bơta pal geh kă bro broă drơng ala kă bro dồs, bơh anih priă jền dà lơgar cih lài.

Ồng Vương Đình Huệ sồr anih cih kơrnuat pal kờp sền wơl ală jơnau pơrya bè kă bro dồs, ngan là jơnau pơrya kă bro, blơi tac dồs nàng tam cah is broă blơi dồs; cih bơta mut lơh ngan ngồn bè priă pal geh bơh sơn rờp ală mpồl lơh sa kă bro lơh broă tàm gah kă bro, pơlam mờ lơh kòn gùng blơi tac dồs, kơ nòl đơng pơlam broă lơh bơh anih cribơyai kă bro dồs. Ồng Vương Đình Huệ đơs tờm, broă bơt bơtàu kơrnuat ờ geh tìs mờ ală jơnau cih bơh sơnua boh lam dê, gàr niam gơnoar khat gơ boh kă bro, lơh jat ală jơnau cih bơh adat bơcri priă, adat mpồl lơh sa kă bro. Mơkung ờ lơh gơbàn bơta tam cah is tus mờ ală mpồl kă bro, tac blơi dồs tàm lơgar mờ lơgar ndai, ờ kờp ală jơnau cih geh bơta pơnrơ is bè kă bro dồs mờ sră tềm pềr kuơ màng bơh mpồl lơh sa kă bro atbồ sền gròi phan bơna, priă jền ală anih priă jền lơgar Việt Nam VAMC.

                           Cau cih mờ yal tơngit K’ Duẩn.