VOV4.K’ho – Đơng lam pơrjum bơh Mpồl đơng lam dà lơgar bè tam gơl broă lơh priă nhai, sền gàr mpồl bơtiàn mờ dong kờl cau geh màng mờ dà lơgar geh bơyai lơh mho òr, 07/9, ồng Vương Đình Huệ, Kuang jat jơng gơs gơnap gơnoar atbồ hơđang rlau jơh dà lơgar đơs tờm khà priă nhai bơh sơn rờp jat bă tiah nam 2017 digơlan gơguh tàm khà 7,3% dờp geh bơta ringbal uă tàm mpồl duh broă priă nhai dà lơgar mờ gùt mpồl bơtiàn. Ồng Vương Đình Huệ đơs là: Broă bơt bơtàu tơl làm mpồl đơng lam dà lơgar bè tam gơl broă lơh priă nhai, sền gàr mpồl bơtìan mờ dong kờl cau geh màng mờ dà lơgar geh bơngă kuơ màng ngan tus mờ broă lơh tềng đap mat mờ jo\ jòng. Tài tam gơl priă nhai ờ mìng là bơta bơsong priă nhai bơh sơn rờp mờ gam uă bơta bè tơrgùm bal mpồl lơh broă, rơndap tap sèng wơl tă ngui dơ\ kes priă nàng gàr ring dồs dà lơgar, đal git gơnoar broă lơh, tam gơl sră nggal lơh broă dà lơgar, tam gơl jat mpồl bơtiàn ală broă drơng ala dà lơgar. Tus do digơlan mut lơh rơndap broă tam gơl pa kơrnuat priă jền gơ jat bal mờ tam gơl mpồl kuang bàng duh broă dà lơgar. Ồng Vương Đình Huệ sồr Gah lơh broă dơlam is dà lơgar kờp sền mờ yal Gơnoar atbồ lơgar in nàng mờr tus tơlik mat Mpồl đơng lam dà lơgar bè tam gơl broă lơh priă nhai, sền gàr mpồl bơtiàn mờ dong kờl cau geh màng mờ dà lơgar.

                Cau cih mờ yal tơnggit K’ Duẩn.