VOV4.K’ho -  “Anih pria\ jền bơtàu tơngguh Việt Nam (VDB) pal lơh  broa\ tài broa\ lơh bơtàu tơngguh kơljap bơh dà lơgar. Nàng lơh geh bè hơ\,  VDB pal la dùl gah lơh broa\ đah pria\ jền kơljap, bơtàu tơngguh mhar mờ kơljap”. Ồng Vương Đình Huệ kuang jat jơng  gơs gơnap gơnoar atbồ hơđang rlau jơh dà lơgar neh đơs tờm bè hơ\ tàm bùi lơh broa\ mờ Anih pria\ jền bơtàu tơngguh Việt Nam mờ jào kơrnuat bồ Kuang atbồ mpồl đơng lam atbồ bơh anih pria\ jền tàm  drim ngai òr (6/6), tàm Hà Nội. Ồng Vương Đình Huệ đơs loh broa\ lơh nam 2016 bơh Anih pria\ jền bơtàu tơngguh Việt Nam tơngguh broa\ lơh ai càn pria\ jơng kah dồs bơh khà âm tàm 3 nam do gơguh 4,5% la kơnjơ\ ngan mờ ờ buơn boài dùl êt lơi, den tàng ồng Vương Đình Huệ sồr ala\ gah lơh ngan bơsong kòl yan,  kal ke  tus mờ Anih pria\ jền bơtàu tơngguh Việt Nam. Bal mờ hơ\, jơh ala\ cau kuang, cau lơh broa\ bơh anih pria\ jền  kờ` pal tam klac dùl nùs rơndap niam chồl guh Anih pria\ jền bơtàu tơngguh Việt Nam mut tàm tơngai pa,  bơsong dồs ờ niam bal mờ rơndap wơl anih pria\ jền, lơh pràn broa\ lơh kờp bal mờ pria\ geh ai càn tus ala\ broa\ lơh càn pria\ ODA tus mờ  rơndap broa\ tờm ngan bơh Gơnoar atbồ lơgar.

           Cau cih mờ yal tơnggit K’ Brọp.