VOV4.K’ho – Drim òr, 26/8, tàm hìu lơh broă Gơnoar atbồ lơgar, ồng Vương Đình Huệ, Kuang jat jơng gơs gơnap gơnoar atbồ hơđang rlau jơh dà lơgar, Kuang atbồ mpồl đơng lam broă lơh jơnau kờ` dà lơgar bơt bơtàu [òn lơgar pa đơng lam pơrjum lơh broă sùm Mpồl đơng lam do dê. Ồng Vương Đình Huệ sồr ală Gah, sơnah lơh broă dà lơgar, ală càr, [òn dờng mhar lơh sir ală sră nggal cih bè broă mut lơh bơt bơtàu [òn lơgar pa, tơngai bơh nam 2016 tus nam 2020 nàng tong Gơnoar atbồ lơgar, Kuang gơs gơnap gơnoar atbồ hơđang rlau jơh dà lơgar in tơlik tàm nhai 9 tus do. Gah lơh broă sa mờ bơtàu tơnguh [òn lơgar dà lơgar pơnjat tai lơh jơh ală broă lơh [òn lơgar pa kơnă ntum, pơgồp bal bơt bơtàu [òn lơgar pa mờ rơndap tap sèng wơl lơh sa suơn sre, bơsong broă bơcri ală rơndap broă rah rài mờ đơs tờm ală broă lơh kuơ màng, là broă gơrềng tơn tus priă lơh geh, ngap lơngai, ờ do ờ dă mờ rài kis chài rơgơi, nùs nhơm bơh làng bol tàm [òn lơgar dê.

                Cau cih mờ yal tơnggit K’ Duẩn.