VOV4.K’ho- Ồng Vương Đình Huệ kuang jat jơng gơs gơnăp gơnoar atbồ hơđang rlau jơh dà lơgar pa lơh broă mờ kuang bàng đơng lam dờng màng càr Gialai, sồr càr Gialai kràn cê jơh nùs mu\t lơh tam gơl pa lơh niam wơl tiah lơh sa kă bro, bơtàu tơnguh mpồl lơh sa kă bro, kuơmàng là gơhòi gơ jà mpồl lơh sa kă bro bơcri priă tàm broă lơh gơlik phan lơh geh bơh sươn sre. Ồng Vương Đình Huệ đơs niam ngan, càr Gialai jơh nùs lơh geh jơnau kờn gơguh tai lơh sa nam 2016 là 7% mờ ală broă lơh rề ơnàng drà kă bro tăc phan mờ lơgar ndai, mờ sơlơ tơnguh tai drà kă bro tàm lơgar, tă bơsong kal ke ai mpồl lơh sa kă bro in. Mơya, Gialai pal sền ngăc tàm broă sền gròi gơmù khà priă, lơh geh tàm khà Gơnoar ala mat dà lơgar dê jàu. Gơrềng tus bơta rơndăp tăp sèng wơl gah lơh broă sa sươn sre mờ bơ\t bơtàu [òn lơgar pa, ồng Vương Đình Huệ sồr càr Gialai gờn lơh rơndăp broă lơh ai tơngai bơh nam 2016- 2020 in gơ jat bal mờ broă lơh gơrờm bal mờ tam gơl trồ tiah, tam gơl sơntìl chi tam, phan ròng mờ bơta pràn phan ròng puan jơng mờ chi jo\ nam. Gơ jat bal mờ hơ\ là càr pal mhar lơh sră rơndăp ngui ù mờ atbồ niam rơndăp ngui ù do, kờn bơtàu tơnguh kơ\ kơl jăp ală tờm chi tam pràn bè kơphê, tiêu.

Cau cih mờ yal tơngi\t- Lơ Mu K’ Yến