VOV4.K’ho – Drim òr, 15/6, anih ala mat lơgar Hàn Quốc tàm lơgar Việt Nam mờ mpồl lơh sa dờng mblàng jơnau tơngit Maekyung Media bơyai lơh pơrjum kơbàng wil lơh sa Việt Nam – Hàn Quốc.

Tàm pơrjum, ală cau mblàng jơnau kơp kờ` git gơp lơh broă bal kuơ màng đah Việt Nam mờ Hàn Quốc pơnjat tai bơtàu tơnguh niam rlau, gơs là bơta git gơp pơn rơ is bơh ală lơgar tàm dunia dê. Đơs tàm pơrjum, ồng Vương Đình Huệ đơs tờm: Việt Nam chul chồl ală mpồl lơh sa kă bro lơgar Hàn Quốc bơcri priă tàm lơgar Việt Nam tàm ală gah. Ồng Vương Đình Huệ pà git, bơdìh mờ broă lơh ngan tam gơl broă kă bro mờ bơcri priă, gơnoar atbồ lơgar Việt Nam kung kờ` ală mpồl lơh sa kă bro tàm lơgar bơt bơtàu chài rơ gơi mpồl lơh sa kă bro mờ nùs nhơm kă bro song dơpă, bơtàu tơnguh mpồl lơh sa kă bro jat nùs nhơm tam gơl mờ bơceh pa. Do là ală bơnàng jă kuơ màng nàng ală mpồl lơh sa kă bro Việt Nam mut gơrờm bal geh cồng nha mờ mpồl bơtiàn dunia, tus bal ròt broă lơh sa kă bro tàm kơnhoàl mờ gùt plai ù.

                   Cau cih mờ yal tơngit K’ Duẩn.