VOV4.K’ho- Drim òr 14/7, tàm Hà Nội, ồng Vương Đình Huệ kuang jat jơng gơs gơnăp gơnoar atbồ hơđang rlau jơh dà lơgar neh tus bal Pơrjum sền wơl bơh sơn rờp broă lơh rơndăp tăp sèng, tam gơl pa mpồl lơh sa kă bro lơh broă sa sươn sre, brê bơnơm nam 2015- 2016, kơnòl broă mờ broă rơndăp lơh tus nam 2020. Đơs tàm dơ\ pơrjum, ồng Vương Đình Huệ đơs tờm: Kơnòl broă tờm tàm tơngai tus là pơn jat tai lơh jat gùng dà broă lơh rơndăp tăp sèng tam gơl pa mờ bơtàu tơnguh ală mpồl lơh sa kă bro lơh broă sa sươn sre, brê bơnơm jat Kơrnoat sồ 30 mờ Kơrnoat 118 bơh Gơnoar atbồ lơgar dê. Jat hơ\, broă rơndăp tăp sèng tam gơl pa bơtàu tơnguh mpồl lơh sa kă bro lơh broă sa sươn sre, brê bơnơm pal gơ jat bal mờ broă lơh sền gàr niam bơta lơngăp lơngai dà lơgar, ngan là tiah nhàr lơgar, tiah sar lơgar ngài dipal mờ gùng dà broă lơh, tam gơl pa mờ tơnguh jơnhoa cồng nha bơh mpồl lơh sa kă bro dà lơgar dê. Kuơmàng sơlơ atbồ niam, tơnguh jơnhoa cồng nha ngui ù mờ chi che brê bơnơm, pal gơ jat bal gơnoar kuơ mờ kơnòl tàm broă atbồ ngui ù tiah, sền gàr bơtàu tơnguh brê.

Cau cih mờ yal tơngi\t- Lơ Mu K’ Yến