VOV4.K’ho – Mho òr 23/6, ồng Vương Đình Huệ kuang geh jơng Gah Gùng dră bal dà lơgar mơkung là Kuang jat jơng gơs gơnăp gơnoar atbồ hơđang rlau jơh dà lơgar neh wa\ rò mpồl cau ala mat cau geh màng mờ dà lơgar càr Quảng Ngãi dê di dơ\ mpồl lòt còp càr lơgar Hà Nội.

Ồng Vương Đình Huệ đơs tờm, Đảng mờ Dà lơgar sùm cih kah dà kơlhề ală cau geh màng mờ dà lơgar mờ jơh nùs lơh ngan nàng sền gròi dong kờl ai cau geh màng mờ dà lơgar, hìu bơnhă cau ling sồt să, cau ling chơ\t màng in bơh uă broă lơh ngan mờ bơh ală bơta dong kờl. Ồng Vương Đình Huệ geh jơnau kơ\p kờn ală cau ala mat pơn jat tai lơh jat niam bơhiàn kăc màng, bơhìan cau ling Wa Hồ dê, lơh broă niam lam lài tàm broă bơto bơtê bơhiàn kăc màng ai oh kòn kòn sau in, là làng bol pơnrơ ngan mờ là mpồl cau tờm ai gơnoar atbồ tàm tiah hơ\ in, tă pơgồp jơnau đơs, dong pơlam broă lơh jak chài ai gơnoar atbồ ală kơnă in, ai Đảng Dà lơgar, Gơnoar ala mat dà lơgar mờ ai Gơnoar atbồ lơgar in nàng dà lơgar ngai sơlơ bơtàu tơnguh, rài kis ngai sơlơ gơ tam gơl uă rlau tai, cau geh màng mờ dà lơgar geh sền gròi dong kờl niam rlau jơh bal bè phan bơna mờ nùs nhơm.

                                         Cau cih mờ yal tơngi\t- Lơ Mu K’ Yến