VOV4.K’ho – Mho ngai 11/8, ồng Vương Đình Huệ, Kuang jat jơng gơs gơnăp gơnoar atbồ hơđang rlau jơh dà lơgar wa\ rò mpồl cau geh màng mờ dà lơgar càr Daknông dê, mpồl geh 25 nă cau là cau ling sồt să, cau ling kòp tê jê să, cau lơh broă tam lơh mờ bol sò tơm gơtìp bơtờp sơnơm khih dioxin lơh aniai lòt còp càr lơgar Hà Nội. Ồng Vương Đình Huệ đơs tờm: Đảng, Dà lơgar sùm cih kah dà kơlhề bơh ală cau khin cha jak chài, cau ling chơ\t màng, cau geh màng mờ dà lơgar bơh gùt lơgar dê đơs bal mờ bơh càr Daknông dê đơs is. Ồng Vương Đình Huệ đơs tờm, jơh gùt Đảng, gùt làng bol lơh ngan mu\t lơh geh cồng nha Kơrnoat Pơrjum dờng Đảng gùt lơgar dơ\ XII, tàm hơ\ sền gròi tus bơtàu tơnguh lơh sa, tơnguh tă dia dà lơgar nàng tơnguh tă ngui priă jền ai sền gàr tơl niam rài kis mpồl bơtiàn in, sền gàr niam rài kis bơh cau geh màng mờ Dà lơgar dê. Bal mờ hơ\, Gơnoar atbồ lơgar gam kơlôi sơnơng ală broă lơh nàng hòi jà bơta lơh bal bơh jơh ală làng bol [òn lơgar dê lời ai broă lơh sền gròi, dong kờl, kis gi\t jơnau gi\t adat gơ wèt tus mờ cau geh màng mờ dà lơgar.

Cau cih mờ yal tơngi\t- Lơ Mu K’ Yến